Key Board එකෙන් වැඩ කිඩ දාන්න ☻ Special ALT Characters ☺

Key Board එකෙන් වැඩ කිඩ

ඔන්නට ඉතින් මම අද කොල්ලන්ට කෙල්ලන්ට ලස්සනට කොටන්න පොඩි Trick එකක් අරගෙන ආව. ට්‍රික් එකක් කියන එක හරිද මන්ද :P ඔයාල අනන්තවත් දැකල ඇතිනේ ෆේස්බුකියේ ඔය එක එක අමුතු html characters දාල තියෙනව. ඒකියන්නේ මෙන්න මේවගේ ☺ ☻ ♥ ♦ ♣ ♠ ♂ ♀ ♪ ♫ මේවායින් කීපයක් නම් දාන හැටි අපේ යාළුවො ගොඩදෙනෙක් දන්නව. ඒත් හැම එකකම යුතුරු දන්නේ නැතිව ඇතිනේ..:D ඉතින් මම අද ඔයාලට දෙනව සම්පූර්ණම html characters සෙට් එකම. :) දැන් ඉතින් මේක බලාගෙන ෆේස්බුක් එකේ, බ්ලොග් එකේ, අතන මෙතන වැඩකිඩ දාන්න පුලුවන් ;)

අහ් තව දෙයක් කියන්න අමත උනා මේ එක එක රූප තමන්ට අවශ්‍ය නම් වෙබ් අඩවිවල අතුරු මුහුනත් (UI) වල සංකේත විදියට උනත් භාවිතා කරන්න පුලුවන්. PHP එක්ක භාවිතා කරනව නම් utf 8 character encoding එකත් එක්ක භාවිතා කරන්න.

සිංහල බ්ලොග් කරුවන් සඳහා පමණයි! for Sinhala Bloggers only!

සිංහල බ්ලොග් framwork එකක්.

ලංකාවේ දැනට සක්‍රිය සිංහල බ්ලොග් කරුවන් ආසන්න වශයෙන් 1100 - 1300 ත් අතර සිටී. මොවුන් බොහෝ දෙනෙක් සිය බ්ලොග් කරණ සේවාව ලෙස බාවිතා කරන්නේ Google සමාගමේ Blogger නැමති සේවාවයි. ඕනෑම බ්ලොග් කරුවෙක් තමන්ගේම අනන්‍යතාවක් ඇති කරගන්න කැමතියි. ඉතින් බ්ලොග් එකක් පටන්ගන්නාවිට එයට සුදුසු නමයි යෙදීම, හොඳ ගැලපෙන Template(සිංහල වචනය නොදන්නෙමි :-( ) යෙදීම වගේ මූලික කරුණු කීපයක් ගැන සැලකිලිමති විය යුතුයි. නමුත් මේ සියල්ලටම වඩා බ්ලොග්කරුවෙක් විදියට තමන්ගේ අනන්‍යතාවය රඳා පවතින්නේ තමන් පාඨකයාට ඉදිරිපත් කරනදේ සහ එය ඉදිරිපත් කරන ආකාරය අනුව බව අවධාරණයෙන් යුතුව කිව යුතුය.

ඉතින් මම අද ලිපියක් ලියන්න හිතුවේ සිංහල බ්ලොග් කරුවන් සඳහාමයි. ඒ Blog Templates සම්බන්ඳවයි. ඇතැම් බ්ලොග් කරුවන්නම් බ්ලොග් කරණයේදී සිය බ්ලොගයේ ඇඳුම(Template/Theme) ගැන වැඩි අවධාණයක් යොමු කරන්නේ නැහැ. ඒදේ කාරනා කිහිපයක් නිසා වෙන්න පුලුවන්

• තමන්ගේ රුචි අරුචිකම් වලට සරිලණ බ්ලොග් අච්චුවක්/ඇඳුමක්(Template/Theme) සොයාගැනීමට ඇති අපහසුකම.
• තමන් කැමති පන්නයේ  බ්ලොග් අච්චුවක්/ඇඳුමක් සොයාගත්තත් එහි යම් යම් දෝෂ පැවතීම (උදා :- IE Web Browser එකෙහි මුල් සංස්කරණ සඳහා නිසිලෙස සහය ‍නොදැක්වීම)
• තමන්ගේම කියල Blogger Template එකක් සකස්කරගන්න දැනුම නැති කම හෝ කම්මැලිකම.

ඉතින් ඔයවගේ කරුණු නිසා සාමාණ්‍ය බ්ලොග් කරුවන් කරන්නේ එම සේවාව විසින්ම ලබාදෙන blog templates භාවිතා කරන එක. නමුත් මම හිතන්නේ බ්ලොග් කරුවෙක් උනාම යම් දෙයක් ලියල සිය පාඨකායාට ඉදිරිපත් කරනවාට වඩා අලුත් මහුනුවරකින් අපි පාඨකා අතරට යායුතුයි කියාලා. ඉතින් ඒ දේට මෙම Blog Templates කියන දේ ගොඩක් වැදගත් වෙනවා. ඉතින් මේසඳහා විවිද වර්ගෙයේ බ්ලොග් templates ලබාදෙන වෙබ් අඩවි ඕනෑතරම් අන්තර්ජාලයේ දකින්න පුලුවන්. හැබැයි මෙම සියලුම වෙබ් අඩවි පාහේ ලබාදෙන්නේ කුණු ගොඩවල් කියල පැහැදිලිවම කියන්න පුලුවන්. මටත් ඒවගේ ‍වෙබ් අඩවි 2ක් තිබෙනවා. ඒත් මට ඒවා පවත්වාගෙන යන්න හිත දෙන්නේ නැහැ. මොකද අන්තර්ජාලයේ තියෙන එක එක්කෙනාගේ කුණුගොඩවල් මගේ වෙබ් අඩවි හරහා නිකුත් කරන්න. මගේ යටිහිතේ ලොකු අකමැත්තක් තියෙනවා.

ඉතින් මම තීරණය කලා Blogger සේවාව බාවිතා කරන සියලු බ්ලොග් කරුවන් වෙනුවෙන් මගේ දැනුම භාවිතා කරල ඉතා උසස් තත්වයේ blogger template framework එකක් නිපදවන්න. ඉතින් මේ සඳහා මට ඔයා‍ලයේ අදහස් අවශ්‍ය වෙනවා..ඉතින් මට ඒ සඳහා කරුණිකව උදව් කරන්න කියලා මම සියලුම ලාංකික බ්ලොග් කරුවන්ගෙන් ඉල්ලා සිටිනවා.

මේ සඳහා ඔයාලට මට උදව් කරන්න පුලුවන් වෙන්නේ අදහස් දැක්වීමෙන් ඒකියන්නේ මම අහනව පොඩි ප්‍රශ්ණයක් ඒකට ඔයාලා අවන්කවම පැහැදිලිව පිළිතුරක් දුන්නොත් ඒ හොඳටම ඇති :) .

එම ප්‍රශ්ණයනම්, ඔයාලා තමන්ගේ බ්ලොග් අඩවිය සඳහා Blogger Template එකක් සොයද්දී මොනවගේ කාරණා ගැනද වැඩිපුරම සැලකිමත්වන්නේ සහ දැනට දකින්න ලැබෙන නොමිලේ දෙන Blogger Template වල දකින්න ලැබෙන අඩුපාඩු මොනවාද? 

මම පෞද්ගලිකව දකින අඩුපාඩු මෙතන සඳහන් කරන්නේ නැහැ. ඉතින් මෙම ප්‍රශ්නෙට පිළිතුරක් ලබාදෙන්න, එවිට එම සියලුම කරුණු සැලකිල්ලට අරගෙන. හැම අතින්ම සම්පූර්ණ Template Framework එකක් නිපදවල ඔයාලට නොමිලේම දෙන්නම්. එවිට ඔයාලට පුලුවන් ඉතා පහසුවෙන් තමන්ට අවශ්‍ය විදියට එය වෙනස්කරගන්න, පහසුවෙන් භාවිතා කරන්න. ඒ වගේම එය තමන්ගේ බ්ලොග් අඩවියට පැමිනෙන පාඨකයින්ටත් නැවුම් අත්දැකීමක් සහ පහසුවක් වේවි.

කෙල්ලෙක් දාගන්න කියාපු බඩ්ඩ :D best way to attract a women :-)

හ්ම්....අද මම කියන්න යන්නෙ ටිකක් විතර අමුතු දෙයක්. අමුතු දෙයක් කිව්වෙ සාමාණ්‍යයෙන් මේ බ්ලොග් එකේ ලියවෙන දේවල්වලට වඩා වෙනස්දෙයක් අද ලියන නිසා. මේක මේ මම අන්තර්ජාලයේ පොඩි රස්දියාදුවක් ගහන ගමන් අහම්බෙන් දැක්ක දෙයක්..හ්ම්..දැන් කතාවට එමුකෝ..! අපි හැමෝම වාගේ සාමාණයෙන් සුවඳ විලවුන්(perfume) බාවිතා කරනවනේ..ගොඩක් කොල්ලොනම් ඔය කඩේකට ගියාම සුවඳ බැලුව ගත්ත, අපේ අය අතර ජනප්‍රිය සුවඳ විලවුන් ව‍ර්ග වෙන්නේ AXE, adidas, Voodoo, gold..etc වගේ ‍වර්ගනේ..ඉතින් මේවගේ දේවල් අපි හැමෝම වගේ බාවිතා කරන්නේ අනෙකාගේ ආකර්ෂණය දිනාගන්න, ප්‍රියමනාප කම වැඩිදියුනු කරගන්න වගේ දේවල් වලටනේ..මම නම් මීට අමතරව දවස්ගානක් පට්ට ගහපු T-shirt එහෙම නැවුම් විදියට තියාගන්නත් මේව බාවිතා කරනව :P

ඔය සාමාණ්‍ය සුවඳ විලවුන් අතරේ ටිකක් විතර අසාමාණ්‍ය(මේවගේ දේවල් තවමත් අසානැති අයට සහ බාවිතා කර නොමැති අය සදහා) සුවඳ විලවුන් වර්ගත් තියෙනවා..මේ ගැන තමයි මම අද කියන්න යන්නේ..ඇත්තම කියනවානම් මම මේගැන දැනගත්තේ මේලඟදි ඉඳන්..සමහරවිට මේගැන ඔයාල අහලත් ඇති බාවිතා කරලත් ඇති. ඒතමයි මානව ෆෙරෝමෝන අඩංගු සුවඳ විලවුන් වර්ග.

ෆෙරෝමෝන කියන දේ කවුරුත් දන්නවනේ...! උසස්පෙළ ජීව විද්‍යාව හදාරපු අය නම් මේගැන හොදටම දන්නවා..සරලව කියනවානම් ෆෙ‍රෝමෝනයක් කියන්නේ සතුන් ඔවුන්ගේ පණිවුඩ හුවමාරු කරගන්න බාවිතා කරන ජෛයිව රසායනිකයක්..

මේ දේ අපි ජෛයිව පළිබෝධ නාශක ක්‍රමයක් විදියට කාලයක ඉදන් බාවිතා කරනවා..උදාහරන කීපයකුත් දෙනවනම්.

01. පොල්ගස් වල රතුකුරුමිණි පළිබෝධකයා මර්ධනයට
02. වී වගාවේ ගොයම් මැස්සා නම් පළිබෝධකයා මර්ධනයට(කෙම් ක්‍රමයකි)

අපි කවද්ද හිතුවෙ සතුන්ගෙ ෆෙරෝමෝන බාවිතා කරල එක එක දේවල් කරාට මිනිස් ෆෙරෝමෝන ලිංගික ආකර්ෂණය සඳහා යොදා ගනියි කියලා :O

ඉතින් මේ මානව ‍ෆෙරෝමෝන අඩංගු සුවඳ විලවුන් හදන අය කියන විදියට මේව බාවිතා කරාම ප්‍රතිවිරුද්ධ ලිංගියකයන්ගේ ඉතා ඉහල ආකර්ෂණයක් තමන්වෙත ඇති වෙනවලු..ඒ වගේම විවිද අවස්තා සදහාත් එකිනෙකට වෙනස් ෆෙරෝමෝන බාවිතා කරල හදපු සුවඳවිලවුන් තියෙනවලු..කොහොමද වැඩේ :D හැබැයි මම දන්නෙ නම් නෑ මේව ලංකාවෙ ගන්න තියෙනවද කියලනම්..හැබැයි ඕන කෙනෙක්ට EBay.com එකෙන් ගන්න පුලුවන්..

බලන්නකෝ ඔය පහතින් තියෙන වී‍ඩියෝවත්..


මෙන්න මේ වෙබ් අඩවියට ගියාම තවත් ගොඩක් විස්තර මේ ගැන දැනගන්න පුලුවන්..http://www.luvessentials.com/

Maxthon එක්ක Youtube වැඩකිඩ..පට්ටයි හො‍ඳේ :-)

ඔන්න යාළුවනේ අද මම ඔයාලට අරගෙන ආවේ පොඩි Trick එකක්. දින පතා Videos බලන්න YouTube යන අපේ යාළුවන්ට තියෙන ලොකු ප්‍රශ්ණයක් තමයි. YouTube එකේ තියෙන Videos තමන්ට පහසු ආකාරයකට බලන්න බැරි කම සහ බාගත(Download) කරගන්න තියෙන අපහසුතා. බාගත කරගන්න නම් Internet download manager වැනි උසස්තත්වයේ මෘදුකාංග තිබුනත් අපේ අය කීයෙන් කීදෙනාද එවැනි වාණිජමය මෘදුකාංග මුදල් ගෙවල ගන්නේ. බොහෝ අය කරන්නේ Crack කරල බාවිතා කරන එක. ඒකත් ටික කාලයි, මේ සඳහා අතුරු විසඳුම් විදියට විවිද Browser addons, extensions තිබුනත් ඒවාත් යම් යම් අවස්තාවලදී හරිහැටි ක්‍රියාත්මක වන්නේ නැහැ. ඔය මම කිව්වෙ Youtube එකේ Videos බාගත(Download) කරගන්න ගියාම විඳින්න වෙන කරදර.


අනිත් දේ තමයි YouTube හි වීඩියෝවක් බලන විට තමන්ට අවශ්‍ය විදියට එහි ප්‍රමාණය වෙනස්කරගන්න, පහසුවෙන් Minimize, Maximize කරගන්න, තමන් කැමති තැනකට චලණය කරන්න වගේ ගොඩක් බාවිතා කරන්නාගේ පහසුවට හේතුවෙන කරුනු අන්තර්ගතවන්නේ නැහැ. ‍මෙවැනි පහසුකම් බාවිතා කරන්නට නම් JetAudio වැනි සාමාණ්‍ය Desktop Media Player එකක් බාවිතා කරන්න වෙනවා. නමුත් ඉහත සඳහන් කල සියලු ගැටලු වලට විසඳුම් Maxthon වෙබ් බ්‍රව්සරයත් සමග අපට ලැබිලා තියෙනවා. මෙය Maxthon වෙබ් බ්‍රව්සරයටම විශේෂිත වූ ගුණාන්ගයක්.

මම පහතින් දක්වල තියෙන්නේ කොහොමද YouTube එක Maxthon Web Browser එකත් සමග සහයෝගයෙන් වැඩ කරන්නේ කියලා.

පැහැදිලිව බලාගැනීම සඳහා රූප මත ඔබන්න

Maxthon වෙබ් බ්‍රව්සරය අනේක් වෙබ් බ්‍රවිසරයන් හා සසඳන විට ඉතා වේගවත් මෙන්ම බාවිතා කරන්නාට පහසුවෙන අන්දමින් සැලසුම් කරන වෙබ් බ්‍රව්සරයක් කියන්න පුලුවන්. දැනටමත් ගොඩදෙනෙක් මෙය බාවිතා කරලත් ඇති. තවමත් උත්සාහ කරල නැති අය උත්සාහ කරල බලල අදහස් කියන්නකෝ..

---

අකමැත්තක් නැත්නම් SinhalaPress Follow කරල SinhalaPress Facebook Page එක Like කරල සහයෝගයක් දෙන්න.

PHP ඉගෙන ගන්න කියාපු බඩ්ඩ ;-)

ඔය මදෑ ජංජාලෙ රස්දියාදු ගැහැව :P දැන්වත් PHP ටිකක් ඉගෙන ගත්තොත් නරකද??? හ්ම්....ගොඩදෙනෙක් මේසඳහා දුවන්නේ w3schools එකටනේ..හැබැයි පොඩි ගැටලුවක් තියෙනවා. ඒතමයි w3schools වෙබ් අඩවියේ අන්තර්ගත තොරතුරු 100% නිවැරිදි නොවීමත් ඉක්මනින් යාවත්කාලීන නොවීමත්..ඉතින් මේ ප්‍රශ්නෙට කියාපු විසඳුම තමයි eBooks බාවිතය. සල්ලිදීල ගන්න ගියොත් බර ගානක්....අනික අපි කවද්ද සල්ලි දීල ඕව ගත්තෙ..:P


වැඩි කතා ඕනෙ නෑ පහත තියෙන බාගත කරගැනීමේ links හරහා ඔබත් දැන්ම බාගන්න..

Free Download PHP 5 for Dummies

ඉහත බාගත කරගැනීමේ link එක ක්‍රියා නොකරයි නම් දැනම් දෙන්න..

Chrome ලොක්ක උඩයි උඩයි....ගිනි නරියා..බිමයි බිමයි....:P

ඔන්න පළමුවෙනි වතාවට එක දවසකට Google Chrome Web Browser එක ලෝකයේ වැඩි පුරම බාවිතා උන Web Browser එක වෙලා තියෙනවා..! ඒ බව කියන්නේ..StatCounter කියන ආයතනය..මෙය ස්වාදීන..විශ්ලේෂන කරන අයාතනයක්නේ...:D.. ඉතින් ගිනි නරියා(FireFox) සහ Microsoft IE පරද්දල එක දවසකට හරි Google Chrome හට රජ වෙන්න..ඉහලම දායකත්වයක් දක්වපු රටවල් වන්නේ..අසල්වැසි ඉන්දියාව(මේ යන විදියට අසල්වැසිය කියන්නත් නිකන් මොකක්ද වගේ..;-))..., රුසියාව, බ්‍රසීලය..වගේ රටවල්.


Google Chrome හට හැමදාම කප් එක ගහන්න බැරිවෙලා තියෙන්නේ..චීනය, ඇමෙරිකාව, ජර්මනිය වගේ රටවල්වල තවමත්, Microsoft IE සහ ‍Firefox යන Web Browser යන් වැඩි පුර බාවිතා කරන නිසා කියලයි කියන්නේ. හැබැයි..ලඟදීම දවසක Chrome සදාකාලික රජ වෙයි කියල තමයි මට නම් හිතෙන්නේ..:D..බලමුකො ඒකෙත් හැටි..තමත් මම පෞද්ගලිකවම දැකල තියෙනවා..රජයේ ඕනෑතරම් සේවා ස්තානවල..තවමත් බාවිතා කරන්නේ අර පරණ IE6.0 කියන මළ ජරාව..:P. සමහරුන් වෙනස් වෙන්න හරිම අකමැතියි..අනේ මන්ද ඕකට දන්නෑ අර කියනේනේ මානසික අවස්ථිතිය කියල..:P

ඔන්න බලාගන්න IE ගෙ බළපරාක්‍රමේ තරම..:-O....WOoooooooow.......
පැහැදිලිව බලාගන්න...පින්තූරය මත ඔබන්නකෝ....

මම නම් දැන් FireFox බාවිතා කරන්නේ Web Design කරනකොට ඒකේ Elements හරියට Firefox වල වැඩකරනවද කියල බලාගන්න විතරයි..Chrome හැරුනම අනෙක් බ්‍රව්සර් සඳහාත් එහෙමයි..අනික Firebug addons වලිනුත් දැන් වැඩැක් නැහැනේ..මට නම ඒකට වඩා සිය දහස් ගුණයකින් හොඳයි..Chrome Inspect Element..

මෙම සමීක්ෂණය ගැන වැඩි දුර විස්තර සඳහා පිවිසෙන්න..:-http://gs.statcounter.com/press/chrome-is-worlds-number-one-browser-for-a-day

Dushyanth නැවතත් කරළියට..! බාගන්න..අහන්න..දැන්ම සෙටිවෙන්න..;-)

අපි හැහෝම දන්න..ලංකාවේ ඉන්න..නර්තනයට මෙන්න ගායනයටද එක වගේ දක්ෂ Dushyanth Weeraman අයියාගේ..පලමුවෙණි ගීත ඇල්බමය වන කරළිය..ඇල්බමයේ..ගීත ඔහු විසින් දැන් අන්තර්ජාලයට නිළ වශයෙන් නිකුත් කරල තියෙනවා..ඉතින් මෙම ඇල්බමයේ ගීත සියල්ල මීට කලින් ‍අහල නැති Dushyanth අයියට ආදරය කරන ඔහුගේ රසික රසිකාවියන්ට දැන්..අන්තර්ජාලය ඔස්සේ අහන්න..සහ බාගත කරගැනීමට අවස්තාව තියෙනවා..

මේ සඳහා යන්න..

වේ අඩවියට...

http://www.reverbnation.com/play_now/song_9410134

බීට් ගහන්..., වීල් කරන්..හොර්නට්(Hornet) පදින අපේ කොල්ලො..:D

ලංකාවේ ඉතින් අපේ අයට උපරිම පදින්න පුලුවන් බයික් ධාරිතාවය 250CC බව කවුරුත් දන්නවනේ..ඒකටනම් ඉතින් Hornet එකක් හරි Jade එකක් හරි තමයි...කුරුණෑගල බයික් සේල් එක පැත්තෙ රවුමක් දැම්මනම් RS(360000 - 580000) අතරේ හොඳ බාන්ඩයක් තෝරාගන්න පුලුවන්..:D පැදපු අය දන්නවනේ Indian බයික් එක්ක බැලුවම කොහොමද Riding Feeling එක කියලා...අපේ කොල්ලො ඉතින් කන්න අතේ සතේ නැති උනත් ඕකට තෙල්ටික ගහගෙන...රටේ නැති වැඩ කිඩ දානවනේ..ඕක ඉතින් කොලු ගතිය...හැබැයි යාළුවනේ කරන දෙයක් පරිස්සමෙන්...මගෙත් සයිබර් අවකාශය හරහා අඳුන ගත්ත යාළුවො දෙන්නෙක් මේ ලඟදි හදිසි අනතුරකින් මරණයට පත් උනා...ඒගැනත් පොඩි Post එකකින් කියන්නම්කෝ...


බලන්න මේ කවි පෙළ කොහොමද කියලා...


සූම් සූම් බෘම් බෘම් හඩ ඈතින් නද දෙන්නේ...
වීල් පාර ඈත ඉදං ගහගෙන කොල්ලා එන්නේ... 
පාං කාල කන්ඩ අතේ සල්ලි නැතුව ලත වෙන්නේ...
චූන් මිසක් වෙන වැඩ නෑ කෙල්ලත් එක්කයි යන්නේ...


බෙන්ලි ට්වින් වී එක්ස් දැන් හද්ද පරන වී ඇත්තේ...
ඒවා පදින අංකල්ලත් ඒ වාගේ වී ඇත්තේ....
හොනට් බාජා ඒ ටී එක්ස් අළුත් බයික් වී ඇත්තේ...
ලක්ස තුනක් හතරක් මයි ඒවට වැය කල යුත්තේ....


බැක් වීල් එක පට්ට සිරා තවත් එකක් පෙන්වන්නේ...
වීල් එකත් බාජා එකේ මහ කජ්ජක් නොම වන්නේ....
ක්ලාස් ඇරෙන වේලාවට බ්ලාස්ට් වෙන්න කැරකෙන්නේ...
පන්ති ඇරෙන නංගිලාට අමුතු මැජික් පෙන්වන්නේ...


හොනට් එකේ හොද සද්දෙට කෙල්ලො බලයි ඈත ඉදං...
පටං පටං බැක් ෆයරෙක වදින කලට පිස්සු පදං.... 
පෙට්රල් වහලාද උඹේ පිකප් මදිනෙ මේක මචං...
අරං වරෙං අපේ ගෙදර මේ ඉරිදා උදේ ඉතිං... 


අන්ඩ සීට් සයිලන්සර් එකක් ගන්න ඕනෙ මෙයා....
ඔයාව එක්කරං ඒකෙ කැන්ඩි යන්න හිතේ තියා..
පරන කබල් වලට තියා පිකප් කරං ඇරං ගියා...
තෙල් ගහන්ඩ සල්ලි නැතුව තල්ලු කරමු ඉතිං ඔයා... 


මහපාරේ සෙනග මැදින් වීල් ගහං ඔය යන්නේ...
ටූ ෆි‍ෆ්ටිය යකා වගේ සද්දෙ කරං ඔය එන්නේ...
කෙස් ගහකින් මිස් කෙරුනොත් ලයිෆ් එකත් පැක් වෙන්නේ..
වීල් සීන් පරිස්සමින් බයානකයි කොල්ලන්නේ....


රේස් එකේ පිකප් කරං අනූවකට ඇරං ගියේ...
ලූස් වෙන්ඩ අකමැත්‍තෙං එහෙං මෙහෙං වටෙං ගියේ..
තුම්මං හන්දිය ගාවින් නොබලාමයි මැදිං ගියේ...
ත්රීවිල් එක දකිනකොටත් ඒක ඇතුලෙ මම හිටියේ... 

මේ කවි පෙළ ලිව්වෙ Dinushasankalpa කියන එළකිරි ෆෝරම් එකේ අයියකෙනෙක්..කොහොමද ලස්සනයි නේද කවි ටික..:D

Windows 7 වලට බායි! 8 වලට හායි! හා හා කලබලවෙන්න එපා..තව කල්තියෙනවා..;-)

Microsoft Windows සංස්කරණයන්ගේ නවතම සංස්කරණය වන Windows 8 සංස්කරණය(stable release) මෙම අවුරුද්දේ ඔක්තෝම්බර් මාසයේ නිකුත් කිරීමට නියමිතයි. මෙම සංස්කරණයේ අත්හදා බැලීමේ සංස්කරණය පෙබරවාරි මාසයේ නිකුත් උනා මතක ඇති. ඉතින් ලක්ෂ සංඛ්‍යාත බාගත කරන්නන් අතර ඔන්න මමත් ඕක බාගත්ත...


පැහැදිලිව දැකිය හැකිතරම් වෙනසකට තිබුනේ එයාලගේ අලුත් User interface(අතුරු මුහුණත) එකේ කරල තිබුනු ලොකු වෙනස්කම් තමයි. අපි කාටත් හුරු පුරුදු Start button එක සම්පූර්ණයෙන්ම ඉවත්කරල තිබුන. ඒ වෙනුවට අලුත්ම ටයිල් ආකාරයේ UI එකක් තමයි ඉදිරිපත් කරල තිබුනේ..ඉතින් මේවා හසුරුවන විදියත් සම්පූර්ණයෙන්ම වෙනස් කරල තිබෙනවා. ඇර ගත්ත windows Close කරගන්න බැරුව මමත් හොඳ පිස්සවක් නැටුව මුල් දවසෙ, පස්සෙ ටිකක් වැඩ කරාම හුරුඋනා..ඒත් නිකන් මොකක්ද වගේ ඕනවට වැඩිය සංකීර්ණ කරල වැඩි වගේ...ආයිමත් XP වලට යන්නමයි හිත..

හැබැයි මේක බාගෙන බාවිතා කරල බලපු මගේ යාළුවො කීපදෙනෙක් නම් කිව්වෙ එයාලට‍ මේ විදය හොඳයි කියල..අනේ මන්ද ඉතින් එක එක්කෙනාට දැනෙන විදිය වෙනස්නේ..:D මට නම් ඔය කලින් තිබුනු විදිය වඩා හොඳයි කියල තමයි හිතෙන්නේ..

ආරංචි වලට අනුව නම් Windows 8 සංස්කරණයේ stable release එකත් සමග Start button එක හා Close buttons එකතු කර එන බව තමයි කියන්නේ..බලමුකෝ තව මාස කිහිපක් ඉවසලා..:D

Used Phones in Sri Lanka...හ්ම්..බාවිතා කරන ලද ජංගම දුරකථනයක් මිළදී ගන්න අදහස් කරනවද??? පරිස්සම් වන්න !!!

මේ වෙනකොට ලංකාව තුල ජනගහනයටත් වැඩියෙන් ජංගම දුරකථන තිබෙනවානේ..තරණ, මහළු, බාළ, පිරිමි, ගැහැණු ආදී කොහොම ගත්තත් මේ සියලු දෙනාලඟ මොනදේ නැතිවුනත් ජංගම දුරකථනයක් බොහෝවිට තිබෙනවා..ඒ තරමට ජංගම දුරකථනය කියන දේ අපගේ ජීවිත වලට සමීප වෙලා ඉවරයි..


අද කාලේ බොහෝ තරණ පිරිස් එක් ජංගම දුරකථණයක් බාවිතා කරන්නේ මාස කිහිපයක් විතරයි..ඉන් පස එය විකුණා එයට වඩා වැඩි දියුනු එකක් මිළදී ගන්නව...තව ටික කලකින් එයත් විකුණනවා..ඕක ඉතින් සාමාණ්‍ය තත්වයක්..ඉතින් මෙසේ පිරිසක් විකුණනකොට ඒවා මිළදී ගන්න තව පිරිසකුත් ඉන්නවනේ..අන්න මේ පිරිසට තමයි මේ කෙටි ලිපිය වැදගත් වන්නේ..

ඔබ බාවිතා කරන ලද ජංගම දුරකථනයක් මිළදී ගන්න අදහස් කරණවානම් ඒ ගැන දෙපාරක් හිතන්න!!!

මොකද සමහර විට මෙය මගින් අන්තිමේදී හිරෙත් ලැගල, නඩුත් වැටිල, තමන්ගෙ නමත් කැත වෙලා තමයි නවතින්නෙ..හ්ම්....වචන ටිකක් සැර වැඩි‍යි‍ නේද???...නමුත් ඇත්ත තත්වය ඕක තමයි..

කොහොමද අප්පා Used Phone එකක් ගත්ත පළියට පොලිසි ගානෙ යන්න වෙන්නෙ???

ඒක වෙන්නේ මෙහෙමයි...අපි හිතමුකෝ..යම් කෙනෙක් තව කෙනෙක් ගෙන් හොරකම් කරන ලද හෝ අපරාදයකට සම්බන්ද ජංගම දුරකථනයක් ඔයාට සුළු මුදලකට විකුණන්න යනවා කියලා..ඇතැම් විට එම ජංගම දුරකථනය ඉතා වටිනා එකක් වන්නටද පුළුවන්. ඔයත් ජංගම දුරකථනයක් උවමනාවෙන් නම් හිටියෙ ‍බොහෝ විට මෙවැනි ගණුදෙනු කෙරෙන්න තියෙන සම්බාවිතාවය වැඩියි..

හරි.....දැන් ඔයා එම ජංගම දුරකථනය අරගෙන බොහොම සතුටින් ඒකට තමන්ගේ SIM පතත් යොදාගෙන බාවිතා කරමින් ඉන්නව..මෙන්න බොලේ එක පාරට ගෙදරට පොලිසියෙන් එනව..! ඉන්පස්සෙ ඉතින් වැටෙන  කරදර ගැන ඉතින් කියන්න ඕනෙ නැහැනේ..:P

මම වරදක් කරල නැති එකේ ඇයි මේ එක පාරටම පොලිසිය???

ඒක වෙන්නේ මෙහෙමයි..ජංගම දරකථනයේ සැබෑ අයිතිකරු තමන්ගේ නැතිවූ දුරකථනය ගැන පොලිසියට පැමිණිළි කරාම..පොලිසිය විසින් එය TRCSL (විදුලි සංදේශ නියාමන කොමිසම) හට දැනුම් දෙනවා..ඉන්පසු TRCSL මගින් මේ පිළිබඳ ලංකාවේ ක්‍රියාත්මක සියලුම ජංගම දුරකථන සේවා සැපයුම් කරුවෙක් හටම දන්නනවා..ඉන් පසු විශේෂ ක්‍රමයකින් දැනට ජංගම දුරකථනය බාවිතා කරන්නාගේ තොරතුරු සොයාගෙන පොලිසියට බාරදෙනවා..ඉන් පසුව පොලිසිය ඒ හරහා තමන්ගේ රාජකාරිය කරනවා..ඔන්න ඔහොම තමයි ගෙදරට පොලිසිය ආවේ...:D

ජංගම දුරකථන සමාගම විසින් මේවන විට ජංගම දුරකථනය බාවිතා කරන්නාගේ තොරතුරු සොයා ගන්නා විදිය.

මේකට ඒ අය උපයෝගීකරගන්නේ සෑම ජංගම දුරකථනයකටම ලැබෙන එම ජංගම දුරකථනයටම පමණක් සුවිශේෂ වූ විශේෂ අංකයක්..ඒකට අපි කියන්නේ IMEI (International Mobile Equipment Identity) කියලා..TRCSL එකෙන් ලංකාවට ගෙන්නන්න අනුමත කරපු සෑම ජංගම දුරකථන වර්ගයකටම මෙවැනි අංකයක් තියෙනවා..ඔය චීන කසල ගොඩවල් වල නම් ඕක තියනවද කියලා මම නම් දන්නේ නැහැ.:P

ජංගම දුරකථනයේ සැබෑ අයිති කරුගෙන් ජංගම දුරකථනයේ IMEI අංකය හෝ ඔහුගේ දුරකථන අංකය හෝ ඔය දෙකම (බොහොම කීප දෙනයිනේ තමන්ගේ ජංගම දුරකථනයේ IMEI අංකය දන්නේ නොදැන සිටියත් කමක් නැහැ තමන්ගේ ජංගම දුරකථන අංකය පමණක් උනත් ප්‍රමාණවත්. හැබැයි IMEI අංකය තිබුනොත් වැඩේ පහසුයි...) TRCSL එක මගින් ජංගම දුරකථන සමාගම් වලට ලබා දුන් විට එම සමාගම් කරන්නේ අදාල IMEI අංකයට අදාල ජංගම දුරකථනය තමන්ගේ ජාලය තුල ක්‍රියාත්මකද කියන එක සොයමින් ඉන්නවා..දුරකථනය සොරාගත් පුද්ගලයා හෝ එය පසුව මිළදීගත් තැනැත්තා ඉතින් දැනට ලංකාවේ ක්‍රියාත්මක ජංගම දුරකථන ජාලයකින් ලබාගත් SIM පතක් නේ භාවිතා කරන්න ඕ‍න..ඔන්න ඔතනිදි වැඩේ අහුවෙනවා..ඒකියන්නේ අලුතින් එම ජංගම දුරකථනය සඳහා සක්‍රිය වන SIM පතෙහි තොරතුරු ජංගම දුරකථන ජාලය ලබාගෙන පොලිසියට බාරදෙනවා...ID එකේ ඉතින් ලිපිණයත් තියෙනවනේ..:D මෙතනදී අදාල පුද්ගලයා ව්‍යාජ හැඳුනුම්පතක් බාවිතා කරනවන්ම මෙතනදී ගැටලුවක් මතුවෙනවා..ඒත් එවැනි අවස්තා උවද හසුකරගන්න අද කාලේ නවීන තාකෂණයන් බාවිතා වනවා ඇති..මම නම් ඒ සම්බන්දව දන්නේ නැහැ..ඒ සම්බන්දව දන්නා අයෙක් වෙතෙත් මාව දැනුවත් කරන මෙන් කාරුණිකව ඉල්ලා සිටිමි.

ඔන්න ඔහොම තමයි නැතිවූ ජංගම දුරකථනය සොයාගන්නේ..

පරිස්සම් වන්න!!!

විශ්වාස වන්ත නොමැති පුද්ගලයින්ගෙන් මෙවැනි ජංගම දුරකථන මිළදී ගැනීමෙන් වළකින්න..ඒ වගේම දැනට තදාසන්න ප්‍රදේශවල පවතින බොහොමයක් ජංගම දුරකථන අළුත්වැඩියා ආයතන වලද අඩුමිළට විකිනීමට තිබෙන්නේ මෙවැනි ජංගම දුරකතන. මත්ද්‍රව්‍ය වලට ඇබ්බැහි වූ බොහෝ මෙවැනි ජංගම දුරකථන හොරුන් ඒවා විකුණන්නේ මෙවැනි ජංගම දුරකථන අලුත්වැඩියා ආයතන වලට..ඒ නිසා පරිස්සම් වන්න

තමන්ගේ අතේ ඇති මුදලට අලුත් ජංගම දුරකථනයක් විශ්වාසදායී ස්තානයකින් මිළදී ගැනීම තමයි නුවණට හුරු..

මේ ලිපියෙන් ගන්න පුලුවන් දේ

01 තමන්ගේ ජංගම දුරකථනය නැති වූ විට ක්‍රියා කල යුතු ආකාරය සම්බන්දව
02 භාවිතා කරන ලඳ ජංගම දුරකතණයක් හෝ විශ්වාසය තැබිය නොහැකි තැනකින් ජංගම දුරකථනයක් මිළදී ගැනීමේදී සැලකිලිමත් විය කරුණු

කොහොමද මගේ ජංගම දුරකතනයේ IMEI අංකය සොයාගන්නේ???

ඒ දේ ජංගමදුරකථනයෙන් දුරකථනයට වෙනස් වෙන්න පුලුවන්..ඉතින් මට ඒගැන ලියන්න කම්මැලියි..ඔයාලට how to find the IMEI number වගේ Google search term එකක් උපයෝගීකරගෙන තමන්ගේ දුරකතන‍යේ IMEI අංකය සොයාගන්න පුලුවන්..ඒ වගේම ඔබගේ ජංගම දුරකථනයත් සමග ලැබෙන පොත මගින්ද, නිළ වෙබ් අඩවිය මගින්ද...මේ තොරතුරු පහසුවෙන් සොයාගන්න පුලුවන්.

Nokia ජංගම දුරකථන සඳහා *#06# යොදා ok කොට බලන්න...

ඔබගේ ජංගම දුරකථනයේ IMEI අංකය සොයාගත් පසු එයා කොල කැබැල්ලක ලියලා..ඔබගේ මුදල් පසුම්බියේ තබාගන්න..හදිසියකදි ඔයාට ඒක ප්‍රයෝජනවත් වෙන්න පුලුවන්..

VLC ලොක්ක අලුත්වෙලා කියන්නෙ!!! දැන්ම අලුත් එකට මාරුවෙනව හොඳයි :P

චිත්‍ර පටයක් බලන්න, ගීතයක් රස විඳින්න, Online Radio වටක සජීවීව සවන්දෙන්න, Streaming කරන්න වගේ ගොඩක් වැඩ වලට අපි එදිනෙදා බාවිතා කරන ඉතා ජනප්‍රිය වගේම නොමිලේ ලබාගත හැකි Media Player එකක් වන්නේ VLC Player එක.
මෙම Media Player එක අනෙකුත් Media Players වලින් ‍විශේෂ වනේනේ විෂාල ගොණු(Files) වර්ග සංඛ්‍යාවකට සහය දැක්වීම, සරල බව, Windows හැරුණුකොට අනෙකුත් Platform සඳහාද සහය දැක්වීම නිසාය. ඉතින් මෙයාලා VLC Media Player එක එළියට දැම්මේ Version 1.1.11 විදයට. ඉන්පසු ගොඩ කාලයකට පසු ටික දිනකට කලින් මෙම Media Player එකෙහි Version 2.0 නිකුත් උනා..මම හිතනවා හැමෝම වගේ දැන් බාවිතා කරන්නේ Version 2.0 කියලා.

දැන් මෙම Media Player එකෙහි තවත් Update එකක් ඇවිත් තිබෙනවා. Version 2.0.1 ලෙස. ‍මෙම Update එකත් සමග VLC Media Player එකෙහි වූ අනාරක්ෂිත තැන් සියගණනක් නිවැරිදි කර ඇති අතර MxPEG යන ගොණු වර්ගයට සහය දැක්වීම, Mac OS X සඳහා Player එකේ UI(User Interface) එක වැඩි දියුනු කරීම් වැනි වෙනස්කම් කීපයක්ම සිදුකර ඇති බවයි ආරංචි. සමහර විට ඔබ දැනට බාවිතා කරන VLC Player එක විසින්ම අදාල යාවත්කාලීන වීම ස්වයංක්‍රීයවම ලබාගෙන තිබෙන්නත් පුලුවන්..එසේ නොමැතිනම් ඔබටම එය යාවත්කාලීන කර ගන්න පුලුවන්..

වැඩි දුර විස්තර සඳහා  :- http://www.videolan.org/vlc/releases/2.0.1.html
බාගත(Download) කර ගැනීම සඳහා :- http://www.videolan.org/vlc/

The Pirate Bay ගිය උඩ ;-) දැන් ඔන්න ඉතින් උඩ ඉඳන් තමයි බාන්න වෙන්නෙ.:-)

හැමෝම වගේ දන්නවනේ දැනට ලෝකේ තිබෙන ලොකුම Bit torrent අඩවිය ThePirateBay.se කියලා..මේකෙන්නේ අපේ ගොඩක් යාළුවෝ. තමන් කැමති චිත්‍රපට වල ඉඳන් පරිගණක ක්‍රීඩා, ගීත ඇල්බම, වාණිජමය මෟදුකාංග වගේ හැමදෙයක්ම බාගත කරගන්නේ(Download). ඇමෙරිකාව ගෙනාපු SOPA එකත් එක්ක කිම් ‍ඩොට්කොම් යෝධයා(යෝධයා කියන්නේ මොකද කියලා දන්නවානේ :P) කරගෙන ආපු MegaUpload එකත් වැහුන..ඒකට බයවෙලා..තිබුන ගොඩක් File share කරන අඩවි ස්වකැමැත්තෙන්ම අකුලගෙන ගියා...
තාමත් Media Fire නම් ඇදගෙන යනව..ඔය එක්කම ThePirateBay අඩවියේ ඩොමේන් නාමයත් .org වලින් .se වලට මාරු උනා..මොකද ප්‍රධාන TLD-Top Level Domain(.com, .net, .org, .us, .co ) වල අයිතිය තියෙන්නේ ඇමරිකාවටනේ..ඒ වඩා ආරක්ෂාවට.

ඒත් මේ අඩවියට තවමත් බලපෑම් එල්ලවෙනව..ඉතින් එම බලපෑම් වලින් තරමක් හෝ මිදෙන්න කියල දැන් අලුත්ම වැඩක් ඒ අය අත්හදා බලනව..ඇත්තටම මේක හරිම අපූරු දෙයක්..

මෙහිදී වෙන්නේ. එයාලගේ Files තියන servers රඳවන්නේ..උඩුගුවනේ තිබෙන ඩ්‍රෝණ යාන වල..හරියට සැටලයිට් වගේ. ඒකිව්වට ඒතරම්ම උඩකින්නම් නෙමෙයි..මේව පාළනය වෙන්නේ GPS තාක්ෂනය හරහා..දත්ත හුවමාරු කරන්නේ අදිවේගී wireless connections හරහා. ලෝකයේ රටවලට එම රටවල් වලටම වෙන්වූ ගුවන් පාළන ප්‍රදේශ තියෙනවා..ඉතින් අවසරයක් නොමැතිව එවැනි කළාපවලට ඇතුලු වීම තහනම්..ඉතින් මෙයාල කරන්නේ..මේ අඩවියට විරුද්ද වෙන්න සැරසෙනකොට එයාලගේ ඩ්‍රෝනා යානා එයාලට සහය දක්වන වෙනත් රටකට අරගෙන යන එක.

ඇමෙරිකන් කාරය මේකටත් මිසයිලයක් එවල බිම දායිද දන්නෙ නෑ :P

වැඩි‍ දුර තොරතුරු සඳහා කියවන්න..http://thepiratebay.se/blog/210

අයියෝ...තාමත් Gel ද ගාන්නේ.;-) මෙන්න විසඳුම පෙනෙළ ගාන්නකෝ..

ජෙල් වලට මෙන්න විකල්පය.......මමත් ජෙල් ගාලා නාගෙන තියෙනවා හොදට. නමුත් මට විකල්පයක් ලැබුණා. මෙම ලිපිය බලන සියල දෙනාගේ ප්‍රයෝජනය පිණිස මම මේ දේ ගැන කියන්නම්.


මේක ගෙඩි ජාතියක්. පෙනෙල ගෙඩි කියල කියන්නේ. (වැල් පෙනෙල නෙවෙයි රජෝ..!!!!) රත්තරං බඩු හදන අය මේක විශාල වශයෙන් භාවිතා කරනවා රත්තරං බඩු සුද්ද කරන්න, මොකද මේකෙ සබන් ගතියක් තියෙන නිසා. මේක රට ඉදි ගෙඩියක් වගේ එකක්. ඇතුලේ ලොකු ඇටයක් තියනවා. මේ ඇටය ඉවත් කරලා පිට පොත්ත ටිකක් වෙලා වතුරෙ දාලා තියලා අත් දෙක අතර තියල පොඩ්ඩක් රෝල් කලාම සබන්‍ පෙන වගේ දෙයක් ඇති වෙනවා. මේකයි කොණ්ඩෙ ගාන්න තියෙන "ජෙල්" එක. මේක ගාලා වේලුණාම නැතිනම් ඩ්‍රයර් එකක් දාලා වේලුවාම හිස කෙස් ආයේ හෙල වෙන්නෙවත් නැතුව තියනවා. ටිකක් වැඩියෙන් දැම්මොත් කොණ්ඩෙ හෙල්මට් එකක් දැම්ම වගේ වෙනවා. ඒ තරම් සවි වෙනවා. (ගාලා ඒසී එකේ හිටියා ම හරි...!!) නෑවාම සේදිලා යනවා., කොණ්ඩෙට බැදෙන දූවිලි වගේ දේවලුත් එක්කම. හිසත් සෑහෙන්න සිසිල් වෙනවා. මේ ‍ශාකය හිස කෙස් සදහා වැළදෙන රෝග ගණනාවකට ප්‍රතිකාර විදියට භාවිතා කරනවා.

ම‍ම දැනට අවුරුදු 12ක් වෙලේ ඉදන් හිසේ ගාන්නේ මේක. මගේ කොණ්ඩෙට තියන එකම ලෙඩේ ඉක්මණින් වැඩෙන එක මේක ගාද්දී. මගේ කොණ්ඩෙ එක ගහක් තාම සුදුවෙලා නැහැ...විශ්වාස කරයිද මන්දා...!!!

මේක සිංහල බෙහෙත් බඩු කඩවලින් ගන්න පුළුවන්. හැබැයි රටඉදි වගේ පෙණුම තියන හොදට මෝරපු ඒවා ගන්න. ග්‍රෑම් 500ක් 100/= නිතර වෙන්නේ .ලාබයි අත උඩින්. ග්‍රෑම් 500 ක් ගත්තාම මාස 6-8ක් ගාන්නත් පුළුවන්, මොකද එක ගෙඩියක් එකවරකට වඩා පාවිච්චි කරන්න පුළුවන් නිසා. බය නැතුව ගාන්න. අත් දුටුවයි, ප්‍රත්‍යක්ෂයි කියන්න පුළුවනි........!!!

දැන් අපි බලමු මේ දේ බාවිතා කරන්නේ කොහොමද කියලා....

මෙන්න මේව තමා ඔය පෙනෙල ගෙඩි..ඔය සිංහල බෙහෙත් බඩු කඩයකින් ගන්න පුලුවන්..

ඊට පස්සේ මේක මෙහෙම කපල මැද තියන ඇටේ අරන් දාන්න ඕන 

දැන් ඒක පොඩ්ඩක් පෙගෙන්න වතුරේ දාල විනාඩි 3,4ක් තියන්න.. 

දැන් හරි මේන්න මේක තමා ඔය ගෙඩිය.. 

මේක හොදට පොඩි කරන්න..(හරියට නිකන් සබන් ගාන්න කරන්නේ..අන්න ඒ වගේ..) එතකොට සබන් පෙන වගේ මෙහෙම පෙන එනවා 

ඊට පස්සේ ඉතිං ඒක ජෙල් එක වගේ ගාන්න තමා තියෙන්නේ..වැඩියෙන් ගෑවොත් ගල් වෙනවා වැඩි..අර කිවුව වගේ අ/ච් එකක් වගේ හිට්යම නියමෙටම සෙට් වෙනවා..ඔලුවේ රිදිලිත් නෑ.. ඔලුවට අමාරුවකුත් නෑ..නෑවට පස්සේ කූල් ..නිකනම නාද්දි හේදිල යනව..පොඩ්ඩක් කොන්ඩේ ඉක්මනට වැවෙනවාදෝ මංද.. මේන්න මෙහමයි වෙන්නේ...

මම  හිතනවා මෙම ලිපිය ගොඩක් තරණ අයට වැදගත් වෙයි කියල.. හැබැයි එක දෙයක් කියන්න ඕනෙ මෙම ලිපියේ අයිතිකරු මම නෙමෙයි..මම මෙය උපුටාගත්තක්.. එහි විස්තර පහත දැක්වේ..

---

මෙම ලිපියේ අයිතිකරුවන් වන්නේ..එළකිරි ෆෝරම් එකේ dath kimbula නම් මහතා සහ dath kimbula මහතාගේ තොරතුරු අනුසාරයෙන් තවදුරටත් මෙය පැහැදිලි කොට දුන් එළකිරි ෆෝරම් එකේ jkadithya නම් මහතාය.

වැඩි දුර විස්තර සඳහා කියවන්න

dath kimbula මහතා විසින් මුලින් පල කල ත්‍රෙඩ් එක http://www.elakiri.com/forum/showthread.php?t=1117682 

jkadithya මහතා තවදුරටත් විස්තර කරමින් පල කල ත්‍රෙඩ් එක http://www.elakiri.lk/forum/showthread.php?t=1364012

Google දෙයියට හොරා බුකියේ සැරිසැරීම ;-)

Facebook කිව්වම ඉතින් අද නොදන්න කෙනෙක් නැති තරම්..ලංකාවෙත් අතිවිශාල පිරිසක් මෙම සේවය බාවිතා කරනවා. ඇත්තටම බොහෝ දෙනෙක් මේකට ඇබ්බැහි වෙලා කිව්වොත් නිවැරිදියි. සමහරුන යාළුමිත්‍රයන් සමග Chat කරන්න, තවත් සමහරුන් News Feeds බලන්න, ඇතැම් අය තමන්ගේ Marketing වැඩ වලට. ඔය වගේ එකී නොකී විවිද දේ සඳහා අපි මේක බාවිතා කරනවා..



නමුත් මේ Facebook නිසා තමන්ගේ පෞද්ගලිකත්වයට යම් යම් බලපෑම් ඇති වෙන්න පුලුවන්. තමන්ගේ පෞද්ගලික තොරතුරු අනවශ්‍ය පුද්ගලයින් අතට පත් වෙන්න පුලුවන්. මෙවැනි හානි වලක්වා ගන්න මෙම සේවාව විසින් පහසුකම් සලසා දී තිබෙනවා..

අද මම මේවායින් කතා කරන්නේ එයින් එක් දෙයක් ගැන.

ඒ තමයි, කොහොමද අපගේ ෆේස්බුක් ගිණුමේ තොරතුරු Google සෙවුම් ප්‍රථිපල වලින් ඉවත් කර ගන්නේ කියලා..එනම් මෙහිදී ඔයාගේ කිසිම ෆේස්බුක් ක්‍රියාකාරකමක තොරතුරු හෝ ඔයගේ ගිනුමේ තොරතුරු තවත් කෙනෙකුට Google හෝ වෙනයම් කිසිම කෙනෙකුට සොයාගන්න බැහැ..නමුත් ඔයා රිසිසේ තමන්ගේ ගිණුම බාවිතා කරන්න පුලුවන්..තමන්ගේ හිතමිතුරන් යාළුවන් විදියට එකතු කරගන්න පුලුවන්..යම් ඔබ නොහඳුනන  කෙනෙක් ඔබගේ Facebook URL එක හරහා එන්න හැදුවත් එයාට ඔයගේ Facebook Profile එකවත් බලාගන්න බැහැ. ඉතින් මම හිතනවා ගොඩදෙනෙක්ට මේදේ ප්‍රයෝජනත් වෙයි කියලා..මොකද අප අතරේ බොහෝ දෙනෙක් මෙවැනි සුලු දේවල් සම්බන්දව වැඩි අවධානයක් දක්වන්නේ නැති නිසා..

දැන් අපි බලමු ඉතා සරලව මෙය කරගන්නා ආකාරය

පහත රූප පැහැදිලිව දර්ශණය නොවේ නම් කරුණාකර එය මත ඔබන්න.

පියවර අංක 01

පියවර අංක 02

පියවර අංක 03

පියවර අංක 04

පියවර අංක 04 දී දමා ඇති tick එක (check box) එක untick කරන්න.

දැන් ඔබ සියල්ල කර හමාරයි. එහෙත් ටික දිනක් යනකම් ඔබගේ දත්ත Google SERPs (Search Engine Result Pages) වල දර්ශනය වේවි.. Google SERPs updates වෙනකොට ඔබගේ තොරතුරු ඉන් ඉවත් වේවි..

ඔබට නැවතත් මුල් තත්වයට ගෙන ඒමට උවමනානම් ඉහත පියවරයන් ටික නැවත සැකසීමෙන් එය කල හැක.

සුපිරි ඉංදීය ක්‍රිකට් ක්‍රීඩක යුවරාජ් සිංග්.Yuvraj Singh නුදුරු දිනයකදී නැවතත් පිටියට :-)

අපි කවුරුත් හඳුනන ඉන්දීය පිලේ සුපිරි ක්‍රීඩක යුවරාජ් සිංග් හට පෙනහළුවල පිළිකාවක් වැලඳී ඇති බව මීට මාස කිහිපයට පෙර අපට අසන්න ලැබුන..එතැන් සිට අදදක්ව ඔහු ප්‍රතිකාර ලබමින් සිටින්නේ ඇම‍රිකාවේ..උහුගේ වෛද්‍ය වරුන් පවසන පරිදි..ඔහුගේ පිළිකාව බොහෝ සෙයින් පාළනය වී ඇති බවත් ඔහුට මාස කීපයක් ඇතුලත සාමාණ්‍ය තත්වට පැමිනීමට හැකි බවත් පවසනවා..


අප්‍රේල් මස මැද බාගයේදී ඔහු නැවතත් ඉන්දියාවට එන්න නියමිත බවත් පැවසෙනවා..ක්‍රිකට් ගැන උනන්දු..ක්‍රිකට් වලට ආදරය කරන අය..වැඩි විස්තර සඳහා මෙම ලිපිය කියවන්න..http://www.espncricinfo.com/india/content/current/story/557881.html

අපි ඉතින් ශ්‍රී ලාංකිකයොනේ..වෙනත් රටක ක්‍රීඩකයෙක් උනත් අපි උවුන්ට ආදරෙයි..ඒත් ඉන්දියානුවන්නම් අපේ පිළේ ක්‍රීඩකියින්ට අමු අමුවේ අපහාස කරන හැටි ෆේස් බුක් එකේ දකින විට හිතට ඇති වන්නේ මහත් දුකක්..

Google දෙයියගෙන් බැට කන්න ලෑස්ති වෙයල්ලා..:O

මේ දවස්වල අන්තර්ජාලයෙන් ඇසෙන ආරංචි අනුව..ගූගල් විසින් ඔවුන්ගේ සෙවුම් යන්ත්‍රයේ යම් යම් වෙනස් කම් කරමින් සිටියි..ඒ අනුව අන්තර්ජාලයේ ඇති අඩු ගුණාත්මක බාවයෙන් යුතු වෙබ් අඩවි වල තත්වය පහත් කිරීමට ගූගල් සැරසේ..ලංකාවේ අපේ වෙබි අඩවි කරන..කරන්න බලාපොරොත්තුවෙන් ඉන්න හැමෝම මේ ගැන සැලකි‍ලිමත්වෙන එක නුවනට හුරුයි..


ඔබ අනවශ්‍ය විදියට SEO කරන්න උත්සාහ කරනවා නම් මෙහි බලපෑම වැඩි වෙන්න පුලුවන්..මොකද අනවශ්‍ය විදියට keywords, link යනාදිය යොදන්න යන එක එතරම් සුදුසු දෙයක් නෙමෙයි..අද වෙන විට ඉතා බාල තත්වයේ අන්තර්ගතයන් ඇති..වෙබ් අඩවි උනත් ගූගල් සෙවුම් යන්ත්‍රයේ වැඩි වටිනාකමක් ගෙන ඇත්තේ මෙවැනි SEO ක්‍රම අනුගමනය කිරීමෙන්..ඉතින් එම තත්වය පාළනයට තමයි ගූගල් මෙතරමි මහන්සි වෙන්නේ..ඔය PANDA UPDATE එක කියල එන්නෙත් ඔය වගේ එකක් තමයි..

සිංහල බ්ලොගින්....හ්ම්..අප්පේ මතකයි මතකියි..:-) I'm back.

ගොඩ කාලයට පස්සෙ නැවතත් සිංහල බ්ලොග් කරනයට අතගහන්න කියල ඔන්න හදන්නේ...පසුගිය කාලයේ තරමක් කාර්යබහුල කම නිසා බ්ලොග් කරනයට යොදවන්න කාලයක් හොයා ගන්න බැරුවයි හිටියෙ..


හැබැයි මේ සැරේ මම බ්ලොග් කරනයේ යෙදෙන්නේ කලින් යෙදුනාට වඩා තරමක් වෙනස් විදියට..මම කලින් ලිව්වේ..අනවශ්‍ය විදියට දිග..අනවශ්‍ය විදියට විස්තර කරන ලද ලිපි..ඉතින් මේක කියවන්න එන අයට එපා වෙනවනේ..ඔන්න මේ සැරේ කෙටියෙන්..මම අහන දකින..මගේ අදහස්..ඔය ගොල්ලන් එක්ක බෙදා හදා ගන්න හිතුවා..ඒ..වඩාත් සරලව..කෙටියෙන්...ඒක මගේ බ්ලොග් එක කියවන ගොඩ දෙනෙක්ට පහසුවක් වෙයි කියලා හිතෙනවා..

හැමෝටම සුබ දවසක්..

Wordpress නවතම සංස්කරණය වන WordPress 3.3 Sonny අද දින නිල වශයෙන් නිකුත් වූ වගයි.

Wordpress 3.0 සංස්කරණයට පසුව ආ ප්‍රධානතම සංස්කරණය වන Wordpress 3.3 දැන් නිකුත්වී ඇත. එය නිකුත්ව ඇත්තේ WordPress 3.3 “Sonny” යන නාමයෙනි. WordPress 3.2.1 සංස්කරණය නිකුත්වූ පසු මාස කිහිපයක් ඇතුලත Wordpress.org මගින් Wordpress 3.3 RC සංස්කරණයක් හඳුන්වාදෙනු ලැබුවා.
අද ‍එහි Stable version  එක මුදා හැර තිබෙනව. කෙසේ වෙතත් 3.0 සංස්කරණයේ මෙන් විශාල වෙනස්කම් මෙහි සිදුකොට නැහැ.

මෙම සබැඳිය හරහා ගොස් Wordpress නවතම සංස්කරණය ඔබට භාගත කරගත හැකිය.

Wordpress 3.3 හි ඇති නව පහසුකම් මොන‍වාද?

• මෙම සංස්කරණයත් සමග  Drag and drop ක්‍රමයට Media Files Upload කිරීමේ හැකියාව ලබා දී තිබෙන‍වා. ඒ හැරෙන්න වෙන සුවිශේෂී පහසුකම් හෝ වෙනස්කම් WP හි Media Section එකට ලබාදී නැහැ. 
• Administration Menu එක නැතව සකස්කොට තිබෙනවා.
• Help Tabs වල පෙනුම වෙනස්කොට තිබෙනවා.
• ස්පර්ශ සංවේදී තිර සහිත පරිගණක සඳහා WP හි අතුරුමුහුණත සංවර්ධනය කොට තිබෙනවා.
• Tumblr ‍බ්ලොග් wp සඳහා import  කිරීමේ පහසුකමක් හඳන්වාදී තිබෙනවා.

හිතුව තරම්නම් වෙනසක් සිදුවෙලා නැහැ. wp හරහාම අපිට අවශ්‍ය විදියට folders හදන්න, මකන්න, නැවත නාමකරණය කරන්න, වර්ගීකරනය කරන්න. ඒ ඒ folders භාවිතා කිරීමේ බලතල ලබාදීම හා සීමාකිරීම වැනි  පහසුකම් හඳුන්වා දෙනවනම් එය විශාල පහසුවක් වෙයි සාමාන්‍ය භාවිතා කරන්නන්ට. මමත් මීට පෙර පහසුව හා වේලාව ඉතිරිකරගැනීම සඳහා මේසඳහා භාවිතා කලේ. Flash plugin එකක්. නමුත් ඒක නිතරම Crash වෙන නිසා දැන් ඒක භාවිතා කරන්නේ නැහැ. ඔය හැම දේටම FTP තියෙනවනේ..D.

Wordpress 3.3 සංස්කරණයෙහි Screenshot කිහිපයක්.

 රූප විශාල කිරීමට එය මත ඔබන්න.

 රූප විශාල කිරීමට එය මත ඔබන්න.

Drag and drop ක්‍රමයට File Upload කරන ආකරය -  රූප විශාල කිරීමට එය මත ඔබන්න.

 රූප විශාල කිරීමට එය මත ඔබන්න.

නැවත සැකසූ Menu Bar එක -  රූප විශාල කිරීමට එය මත ඔබන්න.

ඔයාලා කොහොමද මේ නව සංස්කරණය ගැන හිතන්නෙ? 

Google Public DNS, Windows පරිගණක සඳහා යොදන ආකාරය.

අද මගේ ලිපියෙන් විස්තර කරන්නෙ Windows xp හා Windows 7  මෙහෙයුම් පද්ධති භාවිතා කරන අයට තමන්ගේ පරිගණ‍කයේ DNS(Domain Name System) මාරුකරගන්නා විදිය.

මොනවද මේ DNS කියන්නෙ?

DNS ගැන කියනව නම් ඒ ගැන ගොඩක් දේවල් කියන්න වෙනව. මේ ලිපියෙ අරමුණ ඒ දේ නොවෙන නිසා මම සරලව මේ ගැන පැහැදිලි කර දෙන්නම්.

හිතන්න ඔබට Youtube.com යන වෙබ් අඩවියට යෑමට අවශ්‍යයි කියල. එතකොට ඔබ කරන්නෙ බොහෝ විට youtube.com යන ඩොමේන් නාමය තමන් භාවිතා කරන වෙබ් බ්‍රව්සරයේ Address bar එකේ යතුරුලියනය ‍කොට Enter බොත්තම එබීමයි. ඉන්පසු සිදුවන්නේ වෙබ් බ්‍රව්සරය ඔබ බාවිතා කරන DNS Server එක හා සම්බන්ධ වී එයින් තමන්ට අවශ්‍ය ‍ඩොමේන් නාමයට අවශ්‍ය IP Address එක ඉල්ලීමයි. ඉන්පසු DNS Server එක එය සොයා බලා ඉල්ලූ ඩොමේන් නාමයට අදාල IP Address එක ඔබගේ වෙබ් බ්‍රව්සරයට යොමු කරයි. දැන් ඔබට එම IP Address එකට අධාල වන වෙබ් අඩවියට පිවිසිය හැක. මේ දේ සිදුවන්නෙ ස්වයංක්‍රීයව ඉතා සුලු කාලයක් තුලදි.

ඇයි අපි DNS මාරුකරගත යුතුවන්නෙ?

මේ දේත් සරලව පැහැදිලි කරනවානම්, ඔබ බොහෝවිට දැනට භාවිතා කරනවා ඇත්තේ ඔබගේ අන්තර්ජාල සම්බන්ධතා සැපයුම්කරු(ISP-Internet service provider) ඔබට ලබාදෙන DNS විය හැකියි. මෙම DNS අපිට ඔවුන් ලබාදෙන්නෙ ඔවුන්ගේ private DNS servers වලින්. ඉතින් එහි ගුණාත්මක බාවයේ යම් යම් අඩුපාඩුකම් ඇති උනොත් ඔබගේ අන්තර්ජාලයේ සැරිසැරීමේදී යම් යම් ගැටලුවලට මුහුණ පාන්න වෙනවා. ඒවගේ ම ඔබගේ තොරතුරුවල සුරක්ෂිතතාවය සහ පෞද්ගලිකත්වටත් යම් යම් බලපෑම් ඇතිවෙන්න පුලුවන්. නමුත් ඔබ open/public DNS servers බාවිතා කරනවානම් ඔබට ඉතා ඉහල කාර්යක්ශමතාවක් සහ ඉතා ඉහල පෞද්ගලිකත්වයක් අන්තර්ජාල සැරිසැරීමේදී ලබාගන්න පුලුවන්.

මොනවාද අපිට භාවිතා කරන්න පුලුවන් open/public DNS සේවා?

මෙවැනි open/public DNS සේවා බොහොමයක් තිබුනත් දැනට ප්‍රධාන වශයෙන් භාවිතා වෙන්නේ OpenDNS.COM සපයන සේවාව හා Google සපයන Google Public DNS සේවාවයි.

මොන සේවාවද වැඩියෙන්ම හොඳ?

ඒ ප්‍රශ්නයට නම් කෙලින්ම පිළිතුරක් දෙන්න අපහසුයි. මොකද මේ සේවා දෙකම ලෝකයේ බොහෝ දෙනෙක් භාවිතා කරනවා. ගූගල් ලබාදෙන සේවාවල තත්වය ගැන ඔයාලට අමුතුවෙන් කියන්න අවශ්‍ය නැහැනේ! ඒ නිසා මම අද හිතුව Google සපයන Google Public DNS සේවාව ලබා ගන්නා හැටි සරලව පැහැදිලි කරන්න. OpenDNS.COM සපයන සේවා සම්බන්දව ලිපියක් නුදු‍රේදීම මම පළ කරන්නම්.

Windows XP පරිගණකයක් සඳහා Google Public DNS සේවාව සක්‍රිය කරගන්නා ආකාරය.

01 Control Panel එක විවෘර්ත කරන්න.

රූපය පැහැදිලි නොමැතිනම් එය මත ඔබන්න.

02 මීලඟට Network Connections යන්න ඔබන්න.

රූපය පැහැදිලි නොමැතිනම් එය මත ඔබන්න.

03 දැනට ඔබ සක්‍රියව භාවිතා කරන අන්තර්ජාල සම්බන්දතාවය තෝරා ඒමත right click කරන්න.

රූපය පැහැදිලි නොමැතිනම් එය මත ඔබන්න.

රූපය පැහැදිලි නොමැතිනම් එය මත ඔබන්න.

04 TCP/IP service යන්න තෝරා එහි Properties යන බොත්තම ඔබන්න.

රූපය පැහැදිලි නොමැතිනම් එය මත ඔබන්න.

05 ඉන්පසු විවෘර්ත වන Window එකෙහි පහත පරිදි වෙනස්කම් කරන්න.

රූපය පැහැදිලි නොමැතිනම් එය මත ඔබන්න.

දැන් ඔබ සියල්ල කර හමාරයි. පරිගණකය නැවත පණගන්වා(reboot) බාවිතා කිරීම වඩා යෝග්‍ය වේ.

Windows 7 පරිගණකයක් සඳහා Google Public DNS සේවාව සක්‍රිය කරගන්නා ආකාරය.

මේ සඳහාත් සැකසුම් කිරීම Windows XP පරිගණකයක් සඳහා කරන සැකසිම් වලට බොහෝ සෙයන් සමානයි. පහත පියවරයන් අනුගමණය කරන්න.

Controle Panel => Network and Internet => Network and Sharing Center => Change adapter Settings

මීලඟට ඔබ ඔබ සක්‍රියව භාවිතා කරන අන්තර්ජාල සම්බන්දතාවය තෝරා ඒමත right click කරන්න.

රූපය පැහැදිලි නොමැතිනම් එය මත ඔබන්න.

ඉන්පසු මතුවන Window එකෙහි TCP/IPv4 යන්න තෝරා Properties යන බොත්තම ඔබන්න. මෙම පියවරයන්නම් Windows XP සඳහා මෙය කළ ආකාරයට බොහෝ ‍‍සෙයින් සමාන වේ.

රූපය පැහැදිලි නොමැතිනම් එය මත ඔබන්න.

 ඉන්පසු විවෘර්ත වන Window එකෙහි පහත පරිදි වෙනස්කම් කරන්න.

රූපය පැහැදිලි නොමැතිනම් එය මත ඔබන්න.

දැන් ඔබ සියල්ල කර හමාරයි. පරිගණකය නැවත පණගන්වා(reboot) බාවිතා කිරීම වඩා යෝග්‍ය වේ.

එහෙනම් අද ලිපිය මෙතනින් ඉවරයි. කැමති කෙනෙක් අත්හදා බලන්න. නැවතත් අලුත් ලිපියකින් තවත් දිනකදී හමුවෙමු. ඔබට ජය.

Some Image credits: Google Image Search and techie-buzz